O Concello de Riveira informa de que vén de aprobar o expediente de contratación para a adquisición de dous vehículos (un turismo e unha furgoneta) para a Policía Local mediante a modalidade de arrendamento con mantemento (renting).
O orzamento de licitación desta iniciativa é de 151.008 euros, IVE incluído, cun prazo de duración do contrato de 48 meses.
O procedemento será aberto con multiplicidade de criterios de adxudicación e con tramitación ordinaria.
